احسن قصيدة حب

تمر أيام وليالي
تتراكم الين تصير أسابيع وشهور
أحبك فيها واعشقك وأطير من الشوق لا غبتي
تعذبيني وتقسي وتتجاهلي آلامي
تغيبي وأنا مادري عنكي
وكل لحظة أعذار بأعذار
أصبر نفسي وأقول يجي يوم تتغير
يجي يوم تحس بلهفتي وشوقي
يجي يوم وأصير حافظ أسرارها
يجي يوم وأحس إني لي قيمة وياها
أقول يجي يوم وتتغير
واذا قسيت انا أو أنبت أكون أنا بوادي واهي بوادي
كسرت أنا نفسي وذليتها
جرحت كبريائي وغروري
تخليت عن المبادئ والأفكار لأجل ترضى
وهم أحس إني بيدينها لعبة
هم أحس إني ماعرفها زين

سهرت أيام وأنا أبكي
وقرطاسي اهو وياي
عيوني تغشت وقلبي صار يعورني
وللحين أحس بعواره
سكاكين تقطع بجوفي
وأنا سامح
والين مِتى أنا مدري
آلامي بدت تطغى على صمتي
وتحرق جوفي وتتعبني
أقول يجي يوم وأفهمها وتفهمني

بس اهي تقتل ذاك الامل
صحيح تبني آمال وياي
بس تهدم آمال بنيتها لوحدي
تعبت أنا تعبت أنا
ومادري شسوي
أحس يديني تربطت
قلبي ماعدت أحس فيه
وصرت أكرهها
لا لا ،، ما أكرهها
بس هي اتعبتني وقتلتني مرات ومرات
وربي
أحبها من جوفي
بس اهي تحبني ولا أنا مجرد لعبة بيدينها

أنا ماأنساكي ولو طلعت لفوووق
أنا ما أنساكي إذا نسيتيني
أنا بتناساكي يوم ماتبغين لكن مابنساكي لا الين موتى