يا ساعـة الفرحـه تشوقـت للعيـد
عيد العيون وعيـد قلـب الصبابـه
رد الجمال لشوفتي يا اتلـع الجيـد
واسحب على حرفي لحون الربابـه
حرفي بصوتك يا اجمل الصوت تغريد
يا رمز حبـي هـاك رمـز الكتابـه
يا صبح عمر فيـك للعمـر تجديـد
وحبـك يجـدد كـل يـوم شبـابـه
للعين والقمـرا وحسنـك مواعيـد
وليل الهوى شـرع للأحبـاب بابـه
ياما زعجت الصوت باسمك تراديـد
وياما نسيـم الوجـد يمـك سرابـه
وياما تمنيتـك علـى باقـي الغيـد
واقول مثلك يا غلا الروح مـا بـه
ابيك تهوى مثل ما اهـواك وتزيـد
يا من خفوق القلب حسنك غدا بـه
يا قطرة الغيمه علـى يابـس البيـد
رد الحيـاة لخافقـي يــا ذهـابـه
